كتب محمد جابر:
اللبنانيي(رضي الله عنهم) رافعين ايدن عالسما محمسين، شي مع الحاج ترامب وشي مع الحاج بايدن، مش عمبنامو ناطرين مين رح يربح، متقمصين شخصية “العم سام”، كل شي بهالبلد مأجلينو تنعرف مين رح يسكن 4 سنين بالبيت الأبيض.
“لبيك يا ترامب” و”لبيك يا بايدن”، الشعارين الأكثر تداولا في لبنان، حبس الأنفاس متواصل، مشهد جديد من الفيلم الأميركي الطويل منتظر، ولا كأنو بلبنان في شي يستحق انو المواطن اللبناني يهتم فيه.
مسكين ايها اللبناني،بتحب تشوف المشهد دايما من برا، ناطر كلمة السر من الخارج، خليك ناطر يا حبيبي، “ماتش الملاكمة الأميركي”، سينتهي قريبا، وبترجع لوجعك.
